الحوت القمر ببرجون للحيتان وماحدا قدهم فيجربو يستفيدو من هالحظ الحلو يلي موجود عندون من أمبارح ومكمل لليوم وكل العالم عم تدعمكم وعم بتكون جنبكم ومعكم وبتحسو بطاقة عالية عندكم نسبة العاطفة 94%
#الدلو رزقتكم رح تزيد اليوم وبتحسو في مبالغ منيحة عم تفوت ع جيبتكم أو هدية بتوصلكم بتنبسطو فيها أو عزيمة رح تتلقوها وفيكم تفكرو بمشروع جديد لتزيدو مدخولكم وأنتبهو من النفقات الغير مهمة نسبة العاطفة 87%
#العقرب عيونكم رح يبرقو ويشعو حب وجمال وهالشي رح يكتر من معجبينكم ويزيد من غيرة حبيبكم فأنتبهو منها والفترة عم بتكون ممتازة للي حابين يبلشو بعلاقة جديدة والحظ الحلو رح يكمل معكم مادياً إذا حابين تجربو حظكم نسبة العاطفة 90% #الجوزاء يمكن تحصلو على مكافأة اليوم من مديركم تقديراً لجهودكم يلي قمتو فيها مؤخراً والفترة عم بتكون مناسبة لتقومو بتحسينات على شغلكم الحالي وبتقدرو اليوم تلفتو الأنظار لألكم بطريقة إيجابية نسبة العاطفة 78%
#العذراء لسانكم حصانكم يامواليد برج العذراء فحاولو تنتبهو لكل كلمة رح بتقولها اليوم لحتى ماتعلقو مع أحد الأشخاص بسبب إنتقاد لاذع ممكن توجهو ألهم وركزو على شراكتكم وعلى العقود المهمة نسبة العاطفة 81%
#السرطان ضبو شناتيكم تحسباً لأي سفرة طارئة ممكن أنها تم عندكم اليوم وقومو بإتصال مع شخص موجود بمكان بعيد بيكون حاملكم أخبار حلوة ومهمة أنتو بإنتظارها من فترة وكمان اليوم مناسب للطلاب الجامعين نسبة العاطفة 74%
#الثور بلشو حضرو التياب يلي رح تلبسوها بالمناسبات والدعوات الكتيرة يلي عندكم ورح تشوفو رفقاتكم القراب لقلبكم من بعد فنرة غياب عنهم واليوممناسب جداً لتحقيق الأمنيات الخاصة نسبة العاطفة 65%
#الجدي ذكائكم رح يزيد ويعلى اليوم وخاصة باللقاءات يلي عندكم وحاولو ماتتأخرو عليها وأوصلو ع بكير لأنو رح بيكون عندك وقت طويل لشرح وجهة نظركم الخاصة وكمان مارح تهدو من مكان للتاني وتلفونكم كمان مارح يهدا وكل هالإتصالات واللقاءات مهمة ومفيدة ألكم نسبة العاطفة 57%
#القوس يمكن يكون عندكم اليوم الكتير من التصليحات والأعمال يلي لازم تخلصوها جوات بيتكم فما تهملهوها وحاولو كمان تسمعو لمطالب عيلتكم منكم وخدو فيها وحاولو تقضو يومكم كلو معهم نسبة العاطفة 44%
#الميزان ماتهملو صحتكم وخدو أدويتكم بوقتها وماترهقو حالكم زيادة عن اللزوم وأطلبو المساعدة بعملكم إذا أحتجتوها لأنو اليوم يمكن تضطرو تفيقو ع بكير لتخلصو كل الشغل يلي عندكم متراكم من أمبارح يمكن نسبة العاطفة 30%
#الأسد عم تطرحو وتجمعو وتنقصو وماعم تظبوط ميزانيتكم المالية كرمال هيك أتذكرو شو ألكم ديون أو تعويضات أو مصاري خصها بشرامة وطالبو فيها لأنو يمكن إذا رجع شي منها يظبوط وضعكم المادي نسبة العاطفة 23%
#الحمل بتحسو الدنية مسكرة بوشكم وماحدا حاببكم والعالم ماعم تشوف غير سلبياتكم فأرتاحو وخففو نق ونكد على حالكم وغيركم وخدو إجازة من شغلكم لمدة يومين وأهما شي ماتبلشو بشي جديد وماتطلبو أي طلبات جديدة نسبة العاطفة 13%
