سامر كحلاوي كل عمل أنجزته زادني خبرة وقوة… أكان في المسرح أو الدوبلاج أو التلفزيون أو السينما كلها أعمال تشكل هويني.
هو خريج معهد أورنينا للفنون المسرحية قسم التمثيل في دمشق 2007 في المسرح له عدة مشاركات منها غيرة الباربويه ل موليير إخراج أمل عمران .كما شارك في العديد من ورشات العمل لعدد من المخرجين كباسم القهار و غيره…في السينما شارك في فلم المهد 2006 ،في التلفزيون شارك في عدد من الإعمال منها قلوب صغيرة في ال 2009 حيث قام بأداء شخصية الصحفي إياد….و شارك في العديد من البرامج التلفزيونية ومنها برنامج كل يوم حكاية و برنامج لعب وجد حيث قام بأداء شخصية حكواتي الأطفال الدمشقي… في الدوبلاج يعمل منذ تخرجه حيث قام بدبلجة الكثير من المسلسلات و الأفلام لعدة دول و منها دبلجته لشخصية مراد في مسلسل العشق الأسود و شخصية شيام في المسلسل الهندي من نظرة ثانية و شخصية ساراس في الجزء الثاني من مسلسل سحر الأسمر…
1-أدى مقتنع بتسمية الدب لأن ازا بفوت عجواتك بحس انك فرحان بالمسلسل بس أدى حابب كلمة دب؟
ما بهمني شو إسم الشخصية..الممثل هو اللي بيعطي قيمة للشخصية اللي بيلعبها ولإسمها أو بخليها تفقد قيمتها الفنية إزا كان ممثل غير جيد..الإسم لا بقدم ولا بأثر وأكيد مو الإسم اللي خلا الناس تحفظو..فن الأداء لهالشخصية هو اللي خلا الناس تحبها مو العكس…بس اسم الدب هو لقب ناتج عن سلوكيات ألها علاقة بماضي الشخصية و بسبب هالتصرفات السابقة صار لقبو الدب(هيك أنا بدرس الشخصية..)اسم الدب و الماضي تبعو اللي اتخيلتو خلاني ضيف تفاصيل للشخصية أكيد..هو اسمو إياد .
2-كم هو قريب من شخصيتك؟
قديش قريب الدب من شخصيتي بعيد كل البعد أكيد..أنا حدا جدا رايئ و ريلاكس وما بعصب بالمجمل..بس في تفصيلة مهمة..من وجهة نظري الإنسان يحمل بداخلو كل التناقضات وكل المشاعر اللي ربناحطهن بالإنسان .المشاعر والسمات الطاغية هية اللي بتشكل شخصيتك مشان هيك نحنا بنقول فلان طيب وفلان عدواني..التنين عندن كل المشاعر بس كل حدا عم يخلي مشاعر معينة هية الطاغية و بالتالي بتحدد شخصيتو بناءا عهالشي..لما لعبت الدب أكيد بحبشت بداخلي و بالمخزون العاطفي والفكري عندي عن مشاعر وأحاسيس بتشبه هالشخصية..لأنو بالأخير سامر هو اللي جسد هالشخصية..فأكيد لازم كون متبني طريقة تفكيرو وسلوكياتو خلال التصوير..
3-دورك بالهيبة رسخ اسمك في عيون الجمهور لانك ملفت وحقيقي في تمثيلك بطاقة محترفة هل تعتبره نقلة نوعية في حياتك العملية؟
أكيد الهيبة أضفلي خبرة و هو عمل أنا بشوفو كتير مهم و كتير مبسوط أنو نزل بال سي في تبعي إني كنت من بين شخصياتو هاد شرف لألي…
أكيد مسلسل الهيبة نقلة نوعية بحياتي والشكر الأول والأخير للمخرج العظيم سامر البرقاوي اللي آمن فيني ك ممثل وحس بالطاقات الموجودة بداخلي ولوين فيني روح بطاقاتي وعلى أساسها عطاني دور إياد(الدب)..والشي اللي ساعدني بهالشي والحمدلله طبعا بأنو العمل متابع بشكل كتير كبير..هالشي خلا أكبر قدر ممكن من الناس و المخرجين والنقاد ينتبهوا لشغلي…
4-الحياة كل يوم عم تسير اصعب لو كنت اليوم على كرسي الحكواتي اي قصة بتخبر او اي عبرة من قلبك بتطلع؟
لو كنت حكواتي كنت خبرت العالم قديش الحياة صعبة و بنفس الوقت سهلة..كل شي بيرجع لداخلنا ولكيف بنشوف الأشيا..
5- بيين المسرح وعيش الشخصية من خلال الدوبلاج والتمثيل والبرامج ادي كسبة خبرة اليوم وحلمك لبكرا شو؟
درست مسرح و المسرح أكتر مكان عطاني خبرة …وكذلك الدوبلاج والبرامج…و برأيي أي شي بتعملوا بالحياة بضيف لخبرتك الفنية لسبب بسيط لأنو بصير جزء من مخزونك اللي بيجي يوم و بتطلع منو الأشيا اللي بتحتاجها بأداء كل شخصية.
6-سامر انت بيوم لعبة دور الصحافي في مسلسل قلوب صغيرة باسم اياد لو انت الصحافي اليوم ما هو السؤال الذي تطرح على نفسك؟
لو كنت صحافي كنت سألت حالي ليش ما من زمان كتير تواصلت مع الأستاذ الحساس جدا سامر البرقاوي وعرفتو عن حالي.
7-معايدة قلبية من المبدع سامر كحلاوي؟
كل سنة و الجميع بألف خير يارب..و انشالله كون قد هالمسؤولية و كون عند حسن الظن..تحياتي و بوساتي لكل الناس.
